سفره‌ی حه‌وت سین له‌ نه‌ورۆزدا هێمای چیه‌؟

سفره‌ی حه‌وت سین نه‌ریتێكی‌ كۆنی ئێرانیه‌ و له‌ جه‌ژنی نه‌ورۆزدا داده‌نرێت . ئه‌م سفه‌ر 7 شت له‌خۆ ده‌گرێت كه‌ پێی ده‌وترێت حه‌وت سین.

بۆ ئه‌م مه‌به‌سته‌ سفره‌یه‌ك له‌سه‌ر مێز یان زه‌وی راده‌خرێت و به‌ پێی دڵخواز شته‌كانی له‌سه‌ر داده‌نرێت كه‌ هه‌موویان به‌ پیتی س ده‌ست پێده‌كات و هه‌ر یه‌كه‌یان هێمایه‌كه‌ بۆ شتێك. وه‌ك:

سومبوڵ هێمای ده‌ستپێكی به‌هار و سركه‌ هێمای تێپه‌ڕینی ته‌مه‌ن وئارامگرتنه‌. سكه‌ هێمای سامان و سه‌وزه‌ هێمای به‌هار و له‌دایك بوونی دووباره‌یه‌. سێو هێمای ته‌ندروستی و جوانی و سیر هێمای چاره‌سه‌ری و سماق هێمای ره‌نگی خۆرهه‌ڵاتن و سنجو هێمای عیشق و خۆشه‌ویستی و سۆهان هێمای شیرینیه‌.

هه‌روه‌ها له‌گه‌ڵ ئه‌وانه‌شدا ماسی وه‌ك هێمای ژیان و ئاوێنه‌ وه‌ك ره‌نگدانه‌وه‌ی سه‌ره‌تای به‌هار و مۆم هێمای رووناكی و هێلكه‌ هێمای نه‌وه‌ خستنه‌وه‌ داده‌نرێت.